Tottenham Hotspur tan UEFA Champions League zinkawng a tawp a. AC Milan lakah result tha nei tura goal an khung theih loh avangin 1-0 aggregate in an tlawm.
Nilaini zanah an mualah ngei Tottenham hian Milan hi an mikhual a, goal khung thei lovin first leg a 1-0 a chak tawh Milan hi 1-0 aggregate in an tling a, quarter-final an khel dawn.
Tanna ngaiah Spurs
Tun hnaia Spurs inkhelah an buai phahna fo chu bul an tan dan a ni a. Milan lakah pawh hian nidang ang bawkin an bul tan dan a tha tawk lo. Hei hian Milan tan kawng a hawng a, mikhual team in goal ven an tumna inkhelah hian nghet takin tang tluan tlat turin phurna a pe.
Halftime zawhah Spurs in insiamthat an tum, nimahsela minute 77-naah an defender Cristian Romero chuan hlauhawm taka Theo Hernandez a tlawh avangin yellow card a hmu nawn a. Tlem zawk an nih hnuah Spurs tan thil a harsa zual.
Milan coach coach Stefano Pioli chuan an chak hnuah, “Europe a team tha berte chauh an dam tawh a, round tin hi a harsa sawt zel bawk. Nimahsela theih loh a awm lo.”
“Inrintawkna lian tak nei chungin quarter-final hi kan khel ang.” tiin a sawi.