K-pop hmeichhe group BLACKPINK chu Spotify-a hmeichhe group stream hlawh ber an ni ta.
Member pali- Jennie, Lisa, Rosé leh Jisso te zai hi March 8, nilaini thleng khan vawi billion 8.8 chuang stream a ni tawh a, Guinness World Records tarlan danin, British group Little Mix (Vawi maktaduai 400)- in record an lo siam tawh chu BLACKPINK hian an thaichhia.
An hla zawng zawng tih mai tur hi a hit-in, ngaihthlak a hlawh malh malh hle. A bik takin, ‘How You Like That’ (Maktaduai 746 stream) hian a vawrh sang lehzual a, ‘Kiss This Love’ (Maktaduai 672 stream) leh ‘DDU-DU DDU-DU’ (Maktaduai 574 stream) te pawh hian BLACKPINK-in Spotify record thar an siamna turah nasa takin an pui.
BLACKPINK-hi spotify-a hmeichhe group stream nasa ber an nih bakah YouTube-a band subscriber ngah ber nihna an chelh bawk niin, Guinness-in a tarlang.