Cyclone Freddy chuan chuan Thawhtannia a vawi hnih nana Madagascar a nuai hnuah tun kar tawpah hian Mozambique a nuai leh ngei tura ngaih a ni.
Madagascar sorkar chuan mi pariat an thih thu leh chenna in 1,000 chuang a chhiat thu an sawi.
Africa chhimchhak hi February thla tawp khan nuai tawhin mi 21 thiin mi sang chuangin chenna in an neih loh phah tawh bawk.
Meteorologist-te chuan hetianga a zawn zata thawk hi a thleng khât hle tih a sawi.
Tropical cyclone hlauhawm tak hi storm thawkah chuan a rei ber ni tawhin a insiam chak zel bawk.
Cyclone hi Australian Coast hmar lamah February thla khan insiamin Indian Ocean chhim lamah kilometre sang tam tak a kal tawh a, Mauritius leh La Réunion a nuai atanga chawlhkar hnih hnuah Madagascar thlengin Mozambique a nuai leh dawn a ni.
Mi thiamte chuan a kalkawng zawh pawh hi thil danglam leh thleng ngai zen zen lo niin an sawi bawk.
Khawvel chhim lamah chuan a len lamah record a siam mek tawh a, a chak em em bawk.
Mozambique hi a vawi hnih nan a thleng dawn a, ruah leh tui lian a thlen nasa tawh hle.
Madagascar pawhin kar liam ta chhung khan thla khat chhunga ruah an dawn zat thin chawhrual let thum zet an lo dawn phah tawh bawk.