Italy striker Moise Kean chuan a chawrchhuahna club Juventus chu a nghetin a zawm fel a. Everton atangin Pound maktaduai 28 in Juventus hian an lei fel.
Kum 23 mi hian tunhnai season hnih chhung Turin-ah hian loan in a khel tawh a. Juventus hian Everton nen inremna an neih angin lei ngheh theihna chu an hmang nghal.
An inremna hi kum 2021 August a siam tawh kha a ni a, a inkhelh zel dan a zirin Pound maktaduai 2.5 pek belh theih a la ni dawn.
Italy tana vawi 12 inkhel tawh Kean hian Juventus atangin Everton hi kum 2019 khan Pound maktaduai 25 in a zawm. Mahse an tan beisei angin Merseyside-ah hun hmang lovin matcy 39 khelin goal li chiah a khung.
Hemi hnuah hian loan in Paris St-Germain zawm lehin an tan match 41 atangin goal 17 a khung a. Juventus a zawm leh hnu hian squad player tangkai niin match 76 khel tawhin goal 13 leh assist vawi thum a nei tawh.