Aizawl : MZU-a Departmet of Biotechnology leh KVK Khawzawl tangkawpin nimin khan Khawhai-ah loneitu thl- an chhuah te tan Medicinal & aromatic plants chungcha- nga training an buatsaih.
Zirtirna petu Dr. Ranbir Singh, Professor, MZU chuan Mizoramah Medicinal & aro- matic plants chi hrang hrang a tam thu leh he- ngte hi chhawr tangkai thiam chuan Mizoramah project lian tak tak sengluh theih a beiseiawm thu a sawi a. Medicinal & aromatic plants zinga tam tak chu a hralhna tur awmsa a nih thu leh Citronella-te pawh variety tha zawk chawkluha, company thawh- pui tur zawngin, Oil thar chhuahte awlsam taka hralh chhuah theih a beiseiawm thu a sawi.
Mizorama medicinal & aromatic plants tam tak awm te chu chhawr tang- kai thiam chuan kuthna- thawktute tan eizawnna ngelnghet siamsaktu a nih a rin thu a sawi bawk.
Training hi KVK Khawzawla Senior Scientist & Head Dr. Malsawmkimi’n kaihruaiin Dr. Ranbir Singh-a’n Medicinal & aromatic plants chi hrang hrang chin leh enkawl dan a zirtir a. R. Vanlalduati, SMS (Soil Science), KVK Khawzawlin Medicinal & aromatic plants chinna tur leilung sawngbawl dan tur a zirtir bawk a ni.