Assam Rifles sipaite hmanrua awmna ip lian tak pahnih chu Pathianni zan khan Meghalaya khawpui, Shillong-ah a phurtu truck atanga ruk bo niin umzui mek a ni.
Ip lian pahnihah hian silai magazine pakua leh cartridge 180 lai a awm a. Assam Rifles hmanraw phurtu truck-in New Delhi atanga Shillong a panna kawngah ruk bo a ni tih nimin khan police chuan an sawi.
“He thil hi Pathiannia thleng kha niin Jalesar Road-a zana chawl tura a din laiin ruk a ni,” tiin Firozabad-a Additional Superintendent of Police M C Mishra chuan a sawi.
An hmanraw ruk bo chungchang hi Assam Rifles Unit 3 sipai, Awadhesh Kumar chuan sawiin FIR pawh a thehluh tawh thu a sawi.
Police chuan bawhzui nghalin a titu nia rinhlelh leh man erawh an la nei lo thung.