Kumtawp mai hi inthlanpui a ni leh tawh a, sorkar na siam ngei tumin political party hrang hrangte pawh an hmanhlel tawh hle. Rorelna in sanga opposition member ngah ber ZPM pawhin an auhla tur rawn chhawpchhuak tawhin, SDRP tiin an hming an vuah a, lo belhchiansak ngei hlawm teh ang u.
ZPM policy tlangzarhtu an president khan ZPM ruangam chu an policy-ah a lan thu sawiin, kumin inthlanpuiah an tlin ngei theih nan an tih leh tih loh tur chu an rilru chuan a hre teuh tih a sawi a. “Sum sen tur kan nei lo a, kan duh hek lo; nihna emaw, hna emaw insawihmuh kan tum hek lo. Amaherawhchu, ZPM au hla pawimawh tak chu mi tinte hi mahni leh mahni intanpui thei tura siam a ni. A mawm a awm lo a, thlan tui a awm a. A huphurhawm a, a rit zawnga lak chuan party danga pem nawl nawlna tling a ni,” a ti bawk.
ZPM te hi kuthnathawktute ngaihsak tak taktu leh a taka an dinhmun hrechiangtu niin an insawi a, an policy kalphung tam takah pawh hian chhiar chuan an hmalak tum dan a chipchiar tha hle. Amaherawhchu, sorkar na la chelh ngai lo an nih avang hian engemaw chenah harsatna deuh anmahni lamah a awm mai thei bawk. Mahse, sorkar thaah chuan a thlen ring lo phawt ila; an dinhmun zel tur chu mipui thu thu a ni bawk a, an policy pawh zirchiansak ve zel a tha awm e.