Indian Wells Masters-ah British tennis player-ten bul an tan tha a. An chhuanvawr Andy Murray leh Emma Raducanu ten hnehna changin bul an tan.
World number one hlui Murray hian Tomas Etcheverry chu 6-7 (5-7) 6-1 6-4 in darkar thum leh minute 12 daih inkhelah a hneh.
Kum 23 mi hneh hi Murray-a tan a awlsam lova. Break point vawi 20 lai a nei hman a, mahse a khingpui hian heng zinga vawi 16 hi a lo dang thei.
“A chungnung zawk chu ka ni fovin ka inhria, mahse huntha ka insiam te ka chhawr hleithei lo.” tiin Murray chuan a sawi.
Hmeichhe lamah US Open champion hlui Raducanu chuan dam loh leh banrek hliam nei chungin 6-2 6-3 in Danka Kovinic a hneh a. Round dawt lehah Magda Linette a tum leh ang.