Phoenix Suns star Kevin Durant chu a kerek veilam a tihnat avangin kar hnih atanga kar thum chhung vel a chawl dawn.
Suns lamin Durant chungchangah hian sawifiahin a ke veilam na hi kar thum hnuah an endik leh dawn tih an sawi.
Ningani zingah Durant hi an inkhelh hma in warm-up laiin a inhliam a. A hnuah kal pangngai leh thei mahse inkhelh tir ni lovin a hliam hi MRI hmanga endik tir a ni a. A inbilh dan leh a nat zawngte an enfiah.
Suns coach Monty Williams chuan, “Inkhelh duh mi, team tana thahnemngai a ni a, chuvangin a inhliam hi a pawi ka ti a, a rilru tur ka hriatthiampui hle.” tiin a player chungchang hi a sawi ve bawk.
Durant hi Suns hian Brooklyn Nets atangin thla hmasa khan an lalut a. Suns a zawm hnu hian vawi thum inkhel tawhin 26.7 points average a nei.