Ameican Idol contestant zinga tun thlenga larna vawnghimtu mi tlemte zinga langsar pawl Adam Lambert chuan khatih laia zankhat thil thua hmingthanna a chan khan a boruak a zo lo titih hman a, milar nihna pressure rit mang-kheng chu a tlukpui thelh, a ti.
Kum 42 mi chuan 2009 American Idol season 8-a runner up a nih chiah khan lar namen lovin a larzui a, chu larna hmachhawn a, vawng chhunzawm tur khan a bei nasa hle a, a beisei loh tak maia a lar thut avang khan lar boruak zo turin namen lovin thapui a thawh, a ti bawk.
Mi hriat a hlawh hmâ, tleirawl a nih lai atang tawha ‘gay’ a nihna tlang taka puangchhuak tawh a ni a, American Idol intihsiakn a zawh hnu-a LGBT mi leh sa te tana ‘aw’ a chhuah chhunzawm zel bawk nen, a tan pressure kha a nasa zual hle niin, a sawi.
Heti ang hian
“A tir lamah khan ka awm thiam lo viau hman a, ‘American Idol’ kha a rawn ni vuk deuh mai bawk nen. Zankhat thil thu-ah magazine cover hrang hrangah ka lang chho zut zut a, mimal thil anga pawh insiamrem hman hlei thei lo khawpin ka talbuai hman.
“Ka nihna dikd tak puanchhuah te a lo ngai a, ‘Yes, I’m Gay’ ti thei tura huaisen te a lo tul bawk nen,” tiin a hun laia a dinhmun hahthlakzia sawilanna a nei.