State Legal Services Authority, Aizawl chuan nimin khan awlsam zawk leh sum leh pai sen ngai lova thubuai remna Lok Adalat a huaihawt a, thubuai 108 an rel fel.
He hunah hian thubuai chi hrang hrang rel niin, leiba rul thei lo thubuai te, maintenance te, family disputes te, labour dispute leh loan recovery dispute te an ni hlawm a, thubuai 108 an rel fel a; thubuai chinfel hlut zawng chu Rs. 27,77,585 a ni.
State Legal Services Authority hian regular takin Lok Adalat hi a huaihawt thin a, hei bakah hian district tina District Legal Services Authority te leh High Court Legal Services Committee te pawhin an area chhungah Lok Adalat hi an huai hawt thin a, a tul dan azirin mobile lok adalat-te pawh huaihawt a lo ni tawh thin a ni.