India-a police chuan Bihar-a mipa pathum, bawngsa a kawl nia an puh avanga Muslim pa thattua puhte chu an an tih an hotuten an sawi.
Muslim thah hi kum 56 mi, Naseem Qureshi niin kar hmasa tir lamah khan bawngsa a kawl a, a zuar a, a ei bawk nia puhin an chil hlum a. Bawngsa kawl leh ei hi India-ah hian tual chhung sorkar tam takin an khap a ni.
Qureshi-a hi mi 20 velin hualin an beih rawn niin police-in court-a thu remnaah an tar lang.
Police an inrawlh thuai a; mahse, damdawi in an panpui laiin a thi niin tar lan a ni bawk.
Bihar-a Rasulpur Police Station hotu, Ramchandra Tiwari chuan Inrinni khan mi pathum man an nih thu hi Reuters news agency hnenah phone-in a hrilh a ni.
Hindu sakhuaah bawng hi an ran thianghlim a ni a, a thattu te, a vun latute emaw chuan beih an tawk fo va, hetiang hi Muslim cheng an tamna hmunah a thleng nasa zual thin.
Hindu kal firfiak zual pawl tam tak chuan bawng talh hrim hrim hi India ram puma khap an duh.
Hindu la run pawl, bawng thlavang hauhtute chuan kum 2014-a Hindu pawl lian, BJP kaihhruai Prime Minister Narendra Modi-a sorkar a din hnuah phei chuan anmahni thuin dan kengkawhin an huangtau zual hle.
Bihar-ah hian rorel lai chu regional party an ni mek thung a, Modi-a BJP chu eptu an ni.