Bollywood actress leh Miss Universe 1994 ni bawk Sushmita Sen chuan Lakeme Fashion Week Day 3-ah mi tam tak barakhaihin, runway fuh zetin a rawn zawh.
Heart attack nasa tak vanga a thih thelh atanga ni reilote ah Fashion show a rawn mawi tlat mai a, desinger Anushree Reddy thui kawrfrual mawi tak mai nena inlan hi a hmuna awm te’n kut bengin ring mangkhengin an lo lawm a, TV lama thlirtute pawh an lo tang hle.
Karhmasa mai khan Sushmita hian heart attack nasa tak mai neiin, dam khawchhuah theihna ‘chance’ tlemte tak tak anei hman hian a thisen zam lian ber chu 95% zetin a inkharpui vangin khawvel a chhuahsan teuh hle.
Tunah erawh a ngaihtuahawm tawh lova, dinhmun tha takah a dinchhoh zel a beisei hle. “Doctor remtihna a ka hmuh veleh Jaipur-ah ka thlawk lut lehnghal mai dawn a, ‘Aarya’ serial ka buaipui chhunzawm dawn a ni,” a ti.