Aizawl : Mamit district-in Inrinni khan district an nih kum 25-na (Silver Jubilee) an lawm a. Mamit district-a MLA bial pathuma bialtu MLA theuh Mamt bialtu MLA Er. H Lalzirliana, Hachhek bialtu MLA Lalrindika Ralte leh Dampa bialtu MLA Lalrintluanga Sailo ten an hmanpui.
Mamit bialtu MLA Er. H. Lalzirliana chu- an Mamit district-in Silver Jubilee an lawm thei chu lawmawm a tih thu sawiin, puitling zia ne- ia, lanchhuahtir zel tur leh hmasawnna lam ka- wnga an rilru hmang turin kalkhawmte a chah.
Hachhek bialtu MLA Lalrindika Ralte pawhin Pathianin mi- hring a siam chhan anga rawng inbawlsaktawna, dinhmun sang zawka awm ten dinhmun hnuaihnung zawka awmte theih ang tawka tanpuia, dawmkang thin turin kalkhawmte chu a chah a. Dampa bialtu MLA Lalrintluanga Sailo pawhin dawmkan ngai reng district ni lo tura rilru thar an put a tul thu sawiin, an chenpui hnam hrang hrangte chu an chenhopui thiam a pawimawh thu a sawi a. Zirna leh thiamna lamah tan la thar zel tura chahin, district headquarters a chengte chu hmasawnna kawng engkimah hmahruaitu nih tum turin a chah bawk.
Sorkar thuchhuahin a tarlan danin Mamit district hi sq.km 3025.75 a zau niin, a zau zawngah Mizoram-ah pahnihna a ni a. March 1998-ah Aizawl West district tia district thar din niin, Village Council 89 leh Sub Village 10 a awm mek a ni.