MNF thalaiin kum 2018-a MLA inthlan dawnah MNF-in Mizo ṭhalai leh zirlaite hmasawnna tur point 11 a chhawpchhuak tih sawiin, kum 4 chhungin a tihlawh- tling vek niin an sawi.
Covid-19 hrileng avanga ni 718 chhung lockdown a nih ava- nga sorkarin hna mu- mal a thawk theilo chungin MNF-in Mizo ṭhalaite hamṭha- tna tura election manifesto neih te chu kum 4 chhungin a tihhla- whtling vek niin MNF thalai chuan an sawi a. “Mizo thalaite MNF sorkarin a ngaihsak” an ti.
MNF thalai chuan Mizoram sorkarin tha- lai ten zirna leh an thiamna hmanga hlawh- tlinna an neih theih nan Labour Employment, Skills Development and Entrepreneurship deptt (LES- DE) leh Mizoram Youth Commission te thuam chakin Mizo ṭhalaite hmasawnna turin theihtawpin ke a pen niin an sawi a. Thalai hnazawng employment exchange-a in ziaklut tur te awlsam zawka an inziahluh theih nan on- line-a inziahluh theihn aEmployment Excha- nge Portal thar EM- PEX’ buatsaih a nih thu an sawi.
LESDE Department hnuaiah Mizo ṭhalai ten eizawnna ngelnghet an neih theih nan recognition prior learning programme kalpui a nih thu leh training pro- vider 42 leh accredited traning center 77 an awm mek thu pa- wh MNF thalai chuan sawiin, Job placement pawh 6,668 neih tawh a nih thu an sawi a. Thalai ten thiamthil chi hrang hrang an zirna tur Govt ITI Aizawl, Lunglei leh Siaha a a awm bakah Champhai, Serchhip, Thingdawl leh West Phaileng ah te ITI din tura hmalak a nih thu leh building sak mek a nih thu an sawi.
Kum 2021 atangin Mizo ṭhalai thiamthil nei te an thilsiam hmanga inelna leh intawhkhawm PUM (Innovation Fair) Mizoram sorkarin a buatsaihsak ṭhin thu leh lawmman tha tak siam a nih tuh an sawi a. ITI atanga zirchhuak ṭhalai ten bul an ṭan na tura Kawtchhuah (Start-Up Fair) kum 2022 atanga buatsaih ṭan a nih tuh leh Zirlai tiṭha zual mi 21 te hnenah an bulṭanna tur Rs 50,000 theuh pek ṭhin a nih thu an sawi.
Mizoram sorkarin Mizo ṭhalaite World Skills Competition a an tel ve theihna tura inbuatsaihna a kalpui mek thu pawh MNF thalai chuan sawiin, hemi atana pawimawh Regional level skills competition Patna a neiha Mizo thalai 15 tel aṭanga mi 12 ten medal an lak tawh thu an sawi a. Ṭhalai hna zawng mek te leh hnathawktu tur mamawh ten awlsam taka an inhriatpawh zung zung theihna turin MYC-in hnainpui.com a buatsaih thu an sawi.
Heng te bakah hian sorkarin thlalaite hmasawnna tur leh hmakhawngaia hma a lakna hrang – MYC kaltlanga hmalakna hrang hrang te thuchhuah siamin an tarlang bawk a ni.