Aizawl: Kumin June thlaa neih tur, National Legislators’ Conference (NLC 2023) thlirlawkna leh sawihona, Mumbai-a neihah Aizawl North II bialtu MLA Dr Vanlalthlana chu telin thu a sawi.
3rd Visioning Exercise & Discussion on Various Aspects of 1st Historic National Conference 2023 tia vuah chu Jio Convention Centre-ah neih a ni a. He hunah Dr Vanlalthlana chuan June thlaa NLC 2023 lo awm tur atana rawtna hrang hrangte sawiin conference felfai tak a awm theih nana tel turte leh thupui sawi turten online registration lo tihfel ni se, eNeva hmang tawhte an state-a an chhawr tangkai dan sawina hun pek nise tihte leh, MLA biala hmalakna tha zual te pholan tum a nih chuan State Assembly Secretariat leh state chhung University lian bera Political Science subject zirtirtute ngaihdan zawh ni se, zirchikna nei lova media leh website-a innghah lutuk hi a famkim tawk theih loh thute a sawi.
Kumin June 16-18 chhunga neih tur, NLC 2023 hi a vawi khatna tur a ni a; hemi atan hian MIT School of Government, Pune chuan ruahmanna siamin India ram puma MLA leh Member of Legislative Council (MLC) te tel tura beisei an ni.