South African rapper lar Costa Titch chu stage-a zai laia a tluk hnu-ah a thi zui nghal.
Jo’burg khawpuia Ultra South Africa music festival-ah rapper leh hlaphuahthiam ni bawk Costa hi stage-ah a tlu a, a hnu deuh maia thochhuak lehin, a zai nawn leh a, rei pawh a zai hma in a tlu nawn leh a thi ta a ni.
Kum 27 mi hi Swatini leh Mozambique nena inrina Mbombela atanga chawrchhuak leh hmingchher niin, a hla ‘Big Flexa’ chu YouTube-ah view maktaduai 59 vel nei tawhin, hmabak eng leh lar zual zel tura beisei ni mah se, hun lo takin khawvel a chhuahsan.
Costa thihchhan tak hi chanchin buatsaih hian tarlan a ni lova, thih chhan hriat a ni lo tih chu an hmawrbawkna a ni rih. US artist Akon nena an remix, ‘Big Flexa’ hian hlut a hlawh a, rimawi khawvel tan channa nasa tak a tling awm e.