LPS Promotion chuan chuan tun kartawp khan professional boxing inelna lian Tata SK Fight Night 3 chu zabn hnih chhung a buatsaih.
Dawrpui Multipurpose Centre, Aizawl ah Zirtawpni zan leh Inrinni zanah te inhnek hmuhnawm en tur a awm a. Aizawl a inelnaah hian Assamese boxer pali in professional boxing luhchilhna atan an hmang a, an zingah pakhat chiahin hnehna a chang thei.
Tun tum Fight Night hi 2022 LPS Pro Fight boxer thaten zin kawng thui zawk an zawh theihna tura tih a ni a. Chutihrualin professional huang a luh nan hmang boxer an awm nual.
Zirtawpni zana inhnek hnuhnung berah rihna huang lian lam welterweight-ah C. Lalhruaitluanga chuan Arnab Chirua chu a hneh a. Lalhruaitluanga hi professiona boxing-ah vawi ruk a inlanna niin a la chak vek.
Tawnhriat nei hnem tawh F. Zoramchhana chuan technical knockout in Johan Lalrinpuia a hneh ve bawk.
Inrinni zana inhnek hmasa berah Joseph Lalremruata leh Vanlalenkawltira te professional boxing an khelh hmasak berah an inhnehtawk a. Majority draw result puan a ni.
Huang lian cruiserweight-ah Guwahati boxer Batab Chetia chuan unanimous decision in Siaha boxer Daniel Beipasasa chu a hneh a. HC Lalramfela leh Laldinsanga ten state pawn mi an khingpuite an hneh ve thung.