Aizawl: Centre for Disease Control (CDC), Washington USA-a Country Director (India) Dr Melissa Nyendak chuan nimin khan Aizawl West College-ah Alora (Centre for Well-Being) a hawng.
Alora hi thalai ruihhlo avanga buaite leh rilru lam a harsatna neite tana pan theih tur a ni a, counseller pakhatin thutchilhin HIV laka inringhlelte a thlawnin an test-sak thei dawn a ni.
Alora hi tlawmngai pawl, Shalom leh Govt Aizawl West College tangdunin an din a ni a, hemi atan sum mamawh hi Shalom kaltlangin PEPFAR (US President’s Emergency Plan for AIDS Relief) hnuaia Project Sunshine, PATH (Program for Appropriate Technology in Health) tum a ni dawn a. CDC hian PEPFAR hi a enkawl bawk.
Prof C. Lalthlengliana, Principal, Govt Aizawl West College kaihhruai Alora hawnna inkhawmah hian GAWC-a Dept of Psychology zirtirtute leh zirlai te, Alora-a thawktute leh Shalom staff te bakah PATH Mizoram official-ten an hmanpui a ni.