PC party thalaiin press mi te hmaa thudiklo sawiah MNF thalai Vice President an puh.
PC party thalai chuan March 11, 2023 (Inrinni) khan Aizawl press club-ah MNF thalai Vice President-in thuthar thehdarhtute a kawmnaah, kum 2018 inthlana MNF Manifesto zinga ṭhalai hmakhaw lam hawi point 11 chu an tihpuitlin vek tawh thu a sawi nia sawiin, “hei hi dawt leh thu belhchiandawllo, mipui bum tumna maiah kan ngai” an ti.
MNF party-in thalaite hmasawnna lam hawi an manifesto-a an dah 11 zinga pa- thum vel emaw chauh tihloh, a dang zawng chu tun thlenga an la tihhlawhtlinloh te an nih thu PC thalai chuan an sawi a. ‘Zirlaite scholarship, a nih dan tur taka pein, zirna sâng zawk, Mizoram mamawh zir duh tan student loan awlsam zawka siam a ni ang’ an tih pawh tihhlawhtlin tumna hmel hmuh tur a la awm lo niin an sawi.
‘Zirna (Education) kalphung siamṭhatngai te siamṭhat a ni ang a, Mizoram chhûng ngeiah khaw- vel ram dang el phak zirna kawng hrang hrang din turin tan lak a ni ang’ tih pawh hmalakna hmuh tur a la awm lo niin PC thalai chuan an sawi a. ‘Zirna In neihsate tichangtlungin, zirlai te leh zirtirtute ham- ṭhatna hrang hrang siam belh a ni ang a, zirtirtu indaihlohna pawh siamrem a ni ang’ tih pawh hmalak tak takna awm lo niin an sawi.
‘Centrally sponsored scheme-a thaw- kte leh sorkar enkawl society hrang hrang (Eg. ICPS, NHM, MSACS) a thawkte, kohhran, private leh aided sikul-a zirtirtute tana hamṭhatna chi hrang hrang- provident fund, pension scheme, health insurance etc., a ṭul angin ngaihtuahsak an ni ang’ tia MNF manife- sto-a awm pawh hma- lakna tluantling hmuh tur a awm lo niin PC thalai chuan an sawi a. ‘Medical, paramedical, enginee- ring, technology leh management zirna changtlung zawk kan neih theih nan hm- alak a ni ang’ tih pawh hmalakna sawi tur a awm lo niin an sawi.
‘Thalaite kawng hrang hranga an thiamna leh theihna peipunga, Mizoram leh khawvel zau zawkah hlawk zawka penchhuak thei tura pui turin hmalak a ni ang a; ‘Manpower development’ lamah hmalak a ni ang’ tih pawh hmalakna tak tak emaw tihhlawhtlin emaw hmuh tur a la awm lo niin an sawi a. ‘Zirlai, a mamawhtute tan district headquarters leh hmun remchang dangah hostel siam a ni ang’ tih leh ‘Ṭhalai mahni kutke ngeia eizawn tum leh ruahmanna nei ṭhate (Enterpreneurs) chu sorkarin kawng hrang hrangin a ṭanpui ṭhin ang’ tih te pawh tihhlawhtlin a la awm chuang lo niin PC thalai chuan an sawi bawk.