Prime Minister Narendra Modi chuan Pathianni khan khawvela railway platform sei ber, Shree Siddharoodha Swamiji Hubballi Station-a mi chu a hawng.
Platform hi Guinness Book of World Records chuan tun hnai lawk khan khawvela sei ber a nih thu puangin metre 1,507 zeta sei niin Rs. Vaibelchhe 20 chuang senga siam a ni.
Modi-a hian Hosapete – Hubballi – Tinaighat section-a electric thlun fel leh Hosapete station chei thar, heng lai vela inkalpawhna tiawlsamtu tur chu hman theih turin a hawng bawk.
Prime minister hian Jayadeva Hospital & Research Centre dinna tur, Rs. Vaibelchhe 250 senga sak tur chu a lung a phum bawk a, hei hi tertiary cardiac care tur a ni a, kum nga chhunga sak zawh tur a ni.