Aizawl : Rural Development department hotu ten Thawhtanni khan Larsap Dr Hari Babu Kambhampati hmuin, Ministry of Rural development (MoRD) hnuaia thingtlangmi te hmasawnna atana hmalakna pawimawh hrang hrang te an sawipui a. PMAY-G leh NMMS hmalaknate an hrilhfiah bawk.
Larsap chuan RD hnathawkte thawhrim zarah ni za inhlawhna pawh tluang taka kalpui a ni leh ni za inhlawhnaa thawk te hlawh pawh a hun taka thun a ni thin te chu lawmawm a tih thu a sawi a. RD deptt. hmalakna dangah te pawh thawktute inepkna a lang nia a hriat thu sawiin, lawmawm a tih tuh a sawi.
Pradhan Mantri Awaas Yojana – Gramin( PMAY – G) hnuaia hmalakna chu Prime Minister Narendra Modi-a’n a ngaipawimawh hle tih sawiin, Larsap chuan “he hmalaknaah hian kum 2022 ral hmain chenna in la nei lo ten chenna in an nei vek tura ngaih a nih laiin kum 2024 thlengin he hmalakna hi pawhsei a ni” a ti a. Huntiam pawhsei leh tak chhung ngeia he hna zo thei tura theihtawp a chhuah turin RD deptt. hotute chuan a lo chah a ni.
Larsap chuan “PM- AY-G hnuaiah MoRD atanga sum rawn lut tur la lut lo a awm nual” tiin, “a chhan zawn chhuah ni se” a ti a. A tul a nih chuan MoRD pawh amah ngeiin dawr a inhuam thu a sawi bawk.