Aizawl : Lunglei Bawrhsap kalchhuak Kulothungan hmalaknaa Sri Ramachandra Medical College and Research Institute, Chennai-a Lunglei district naupang lung zai mi 5 leh a kalpuitu mi 6 ten Thawhtanni khan tluang takin Lunglei an thleng a. Bawrhsap Ramdinliani’n zanriah a lo buatsaihsak.
Lunglei Bawrhsap Ramdinliani chuan da- mlo leh anmahni hruaitute awmpuia veng- him tlattu Pathian hnenah lawmthu sawiin, damlote phal taka sponsor tu te zawng zawng lawmthu a hrilh a. Hmalatu ber Bawrhsap kalchhuak Kulothungan inpekna fakin, “a enta- wntlak takzet a, a hna- thawh ropui tak te Lunglei dist mipuiin kan hre reng dawn a ni”, a ti.
Lungleiah Dr. J S N Murthy, Senior Cardiologist & Head of Cardiology, Sri Ramacha- ndra Medical College and Research Institute, Chennai leh Lunglei Bawrhsap hlui Kulothu- ngan hmalaknain Free Clinic neih a ni a. Sri Shankara Heart Foundation, Mathew foundation, Muthi Trust, Renyl Foundation leh Mr. Subramaniam ten sum thahnem tak thaw- hkhawmin, lung zai ng- ai te inzaina, damdaw- iin awm man leh an kal leh haw na senso an tumsak a, damlo zai te hian ni 90 chhung ei damdawi a thlawnin an dawng vek bawk a ni.