Mizo Photographers’ Society (MPS) Chapchar Kut Lady thar atan Tina Vanlalhruaii, Zarkawt thlan a ni a, nizan khan MPS Chapchar Kut Lady nilai Vanlalhmangaihzuali, Zemabawk North hnen atangin MPS Chapchar Kut Lady nihna a la chhawng a ni.
MPS Chapchar Kut Lady result hi nizan khan Cultural Centre, Vaivakawn-ah puan niin, Aizawl Mayor Lalrinenga Sailo-in a hmanpui a. MPS Chapchar Kut Lady 2023 atan Lalthazuali, Tuivamit thlan niin, 1st runner-up a ni a, Vanlalbeiseii, Venghnuai chu 2nd runner-up a ni thung.
MPS hian kum 2013 atang khan Chapchar Kut Lady an thlang thin a, Sarah Lalnunsangi chu MPS Chapchar Kut Lady hmasaber a ni. Aizawla Chapchar kut lawmnaa tel, Mizo nula, Zo thuam inbel te tangin a duh apiangin nomination an siam thei a. Chapchar Kut Lady atana nominate duh nei chuan Mizo Photographers’s Scociety Facebook group-ah Chapchar Kut ni atangin nominee atana an duh chu an post thei a ni.
Nominee te chu thlitfim chhoh hret hret niin, group member ten like hmanga vote an pek theihna te pawh ruahman thin a ni bawk.
TOP 10
- Alice Lalrintluangi, Zarkawt
- Angela Lalbiaknungi, Ramhlun Vengthar
- Judith Ramengmawii, ITI
- Lalhmingthangi, Ramthar
- Lalthansiami, Mission Veng
- Lalthazuali, Tuivamit
- R. Lalremruati, Ramhlun Vengthar
- Tina Vanlalhruaii, Zarkawt
- Vanlalbeiseii, Venghnuai
- Lalvenhimi, Republic
MPS Chapchar Kut Lady ni tawh te:
- Sarah Lalnunsangi -2013
2.Marilyn Lalremsiami Khawlhring – 2014 - Christina Lalchhanchhuahi – 2015
- R. Malsawmdawngkimi -2016
- Linda Lalsangpuii – 2017
- H. Lalrindiki- 2018
- Sheila B Lalrinpuii – 2019
- Vanlalhmangaihzuali – 2020
(Kum 2021 leh 2022-ah te COVID19 leng avangin Chapchap Kut Lady thlan a ni lo)