Aizawl : Ni 3 awh tur DAY-NULM Festival-cum-Street Food Festival chu nimin khan UD&PA Director H. Lianzela’n Aijal Club Park-ah a hawng.
UD&PA department hnuaia scheme kalpui mek -Deendayal Antyodaya Yojana – National Urban Livelihoods Mission (DAY-NULM) hnu- aia Aizawl City Mission Mangement Unit (CM- MU) buatsaih DAY-NULM Festival-cum-Street Food Festival hi naktuk thlengin chaw- hma dar 10:30 atanga zan dar 8 thleng tlawh theih a ni a. DAY-NU- LM hnuaia beneficiary ten an thil siam chhuah hrang hrang te an phochhuak a. Exhibition stall 21 leh food court 8 bakah naupang intihlimnate a awm bawk.
UD&PA Director, DAY-NULM Mission Director ni bawk H. Lianzela chuan festival-a tel DAY NULM beneficiary te chu duhsakna hlanin an hnathawh leh thil tih reng rengah rinawmna leh taimakna lantir zel turin a chah a. District hrang hrangah thla kalta lam khan hlaw- htling tak festival buatsaih a nih tawh thu a sawi.
Self-Help Group kal- tlanga hmeichhiate hma- lakna ropui a tih thu sawiin, faina kawngah pawh tan la tel zel turin beneficiary te chu a chah a. Union Minister for Housing and Urban Affairs Hardeep Singh Puri-a’n tun thla ni 7 khan ‘Women Icons leading swachhata’ (WI- NS) Awards 2023 ruahman a nih thu a puang tih sawiin, hmeichhia faina kawnga hmala thate chawimawina pek tur a nih thu a sawi a. Hemi atan hian hmeichhiate theihtawp chhuaha tan la turin a chah a ni.