Spanish club FC Barcelona in an player Gavi contract an ziahluhna chu court in pawmsak tura tih a nih hnuah La Liga in pawm mahse tunhnaiah chhui chian an nihnaah an tlai tih hmuh chhuah a ni a. Hei vang hian court hian a thutlukna a sut.
Kum 18 mi Gavi hian September thla khan kum 2026 thleng daih contract Barca hnenah hian a ziak thar a. Nimahsela club lamin La Liga hnuaia financial fair play dan an zawm theih loh avangin an ziak lut thei lo.
Barca hi court hnenah zualkova, January 31-ah court in Gavi contract thar an ziahluhna hi pawm turin La Liga chu thu a pe.
Gavi contract hi pawm ni lo se chuan tun season zawh rual hian tawp ve nghal tur a ni.
La Liga hian Thawhtanni khan hemi chungchanga court in thu a pek chu Barcelona in court hnena a zualko naah huntiam chhunga thil pawimawhte a tihfel theih loh avangin sut a nih thu a sawi.
La Liga lamin chiang takin 10th Commercial Court of Barcelona hnen atangin court thupek hlihna an dawn thu hi an sawi a. Hetihlai hian Barcelona lam hnai a chanchinbumite chuan club lamin huntiam bawhpelh an nei lova, court thu hlih a nih theihna tur engmah a awm lo niin an sawi ve bawk.
Hetiang a nih vang hian hemi chungchang hi chinfel a ngai dawn a, Barcelona hi an dik lo a nih chuan Gavi hi tun season zawhah free agent a ni dawn. Lehlamah club hnaih lam atangin hetiang erawh a thlen an beisei loh thu sawi thawm a awm tho.