Avril Lavinge chuan Juno Awards semnaa dawhsana a awm laiin, bra hreng lo hmeichhe pakhat chu a hmachhawn dan chu a puitling hle a, a chetthat zanah tak hian cool takin a chhanglet.
Thawhtanna zana neih Canada rama award hlut hlawh berah hian a hnung lama hnute lang nena inlan hmeichhe pakhat a lang a, a hnungzangah, ‘save the green belt’ tih a inziak. Hei hi Ontario sorkarin housing development sawihlawh tak chungchang dodalna a ni.
He hmeichhia a hmachhawn hma hian Lavinge hian a thusawi chu hmawr a bawk zo hmasa phawt. Lungawi lohna lantir hmeichhia hian, ‘Get the **** off’ tia a sawi rualin a bra a phel nghal a, reiloteah security guard-in a hruaichhuak.
Lavinge pawh hian fel fai takin, “Tunah chuan tuma’n khati ang thil kha an ti tawh lo turah ngai ang. Chuti lo chu ka insum zo lovang,” tiin fiamthu thawh pahin, TikTok Juno fan choice award a dawn hnu lawmthu sawinaah a tarlang.
Heti anga stage-a hnute lang huaua lungawi lohna lantir hmeichhe pakhat a hmachhawn dan cool tak hian fak a hlawh a, host Shang-Chi actor Simu Liiu pawhin Laving hi dawhsan atangin a fak mawlh mawlh mai.
Niikum November khan Ontario sorkar hian Greenbelh hmun-ah acre 7,400 zeta zau ram chu thian faini, In 50,000 vel sak theihna tur housing buaipui a tum a, 2025 hian zawhfel vek beisei a ni nghe nghe.
Heti anga sorkar hmalakna hi environmental pawl hrang hrangin nasa takin an dodal mek a, lungawi lohna hrang hrang lantirin, sorkar chu a thu kalpui mek sut leh nghal turin an nawr a ni.