Transport Minister T.J. Lalnuntluanga chuan sorkarin vawi khat chauh taxi replace theih thin kha vawi hnih tih theih tura hma a lak mek thu a sawi.
Nimina Chite Inpuia Mizoram Taxi Association General Headquarters hruaitu thlanna hun hmanpuitu transport minister hian taxi replace chungchanga a neitute harsatna hriain sorkarin vawi khat chauh replace theih thin chu vawi hnih theih tura hma a lak mek thu a sawi.
Minister hian taxi hmanga eizawnna chu eizawnna tha tak a la nih zel thu a sawi a. Taxi khalhtute chu hawihhawm tur leh rinawm chhunzawm zel tur leh, passenger phur motor an nih angin an motor-te fitness chungchang ngai pawimawha faina leh lirthei enkawl kawngah theihtawp chhuah thin turin a chah.