Aizawl : ZPM thalai President Dr. C. Lalrammawia’n Lung- lei Municipal Council (LMC) inthlan lo awm turah ZPM chu candidate nei tha ber an nih thu a sawi a. “sum leh hamthatna hrang hrang hmanga sawm chhuah theih loh, ZPM kalph- ung thar policy hmang- a ram siamtha tura kan sawmna thlang zawk candidate kan nei hi a lawmawm a, beiseina sang tak kan nei” a ti.
Electric Veng, Lunglei-a ZPM Campaign office nimina a hawnnaah he thu hi ZPM thalai President chuan a sawi a. LMC inthlan lo awm tur chu candidate leh an chhungte emaw, veng bil inbeihna emaw a nih loh thu leh party kalphunga inbeihna a nih thu a sawi.
Lunglei mipuiin koh eih zawh loh leh mipui harsatna auchhuahpui ngam lo ram hruaitu thlan tlin an duh tawh lo niin a sawi a. ZPM policy chu LMC-ah hmuh nghal an duh tawh nia sawiin, “MNF leh Congress atangin ram siamtha turin an lo lut zel a, politics-a harhtharna theng avangin politics-a neutral thin te pawh langsara ZPM-a inpek ngei an duh tawh a, thalai zingah phei chuan tun anga MNF party-a lut chu ngaihdan tawk an nei zel tawh” a ti bawk.