Aizawl : Lt Gen Gurbir Pal Singh, AVSM, VSM, DG, NCC-in nimin khan NCC Directorate NER tlawhin, Vanapa Hall-ah Cultural progra- mme leh meritorious award semna hun a hmanpui.
Lt. Gen. Gurbir Pal Singh chuan progra- mme ropui tak NCC Directorate NER Aizawl-in an lo buatsaih avanga lawmawm a tih thu a sawi a. NCC chu training and adventure activities te ngaipawimawh tur leh expedition, trekking, parachuting, para jump, skiing ah te tel ve a, India ram pum huapah pawh lang thei tura mahni inthunun turin a chah.
Khawtlang tana an thiamna leh theihnate hmang let tur leh NCC cadets te chu midangte puitu leh thalaite tana entawntlak ni zel turin Lt. Gen. Gurbir Pal Singh chuan a chah bawk.
NCC Directorate NER hun buatsaihah hian NCC cadets ten hnam lam chi hrang hrang – Cheraw, Chai, Hlado Chham, Khukri Lam, Rallu Lam, Sarlamkai leh a dangte an entir a ni.