Aizawl : MNF West Block, South Tuipui bial OB-te leh Hnahthial khawchhunga VCP te thawhlehnia thukhawm chuan, Hnahthial-a SDO (Sadar), DUDO, SO, EO leh BDO hna kawp mek Lalremruata Sailo chu hmun danga sawn chhuak rih lo turin sorkar an ngen.
Venglai YMA Hall, Hnahthiala thutkhawmah hian, chief minister Zoramthanga kaihhruai sorkarin Hnahthial leh a chhevel mipuite mamawh leh duh tak, Hnahthial district pea tihpuitlin sak mek avangin lawmawm an tih thu an sawi a. Hetih rual hian, tun hnaia MCS officer te awmna tur siksawiah mi thahnem ngai leh thawh hlawk, mipuite tan inpe zo tak Lalremruata Sailo sawnchhuah a ni chu, district bul tan chho an nih avangin an mamawhna hi a la sangin, a transfer order hi sutsak turin sorkar an ngen a ni.
March 13, 2023 khan Mizoram sorkarin MCS officer eng emaw zat awmna a siksawi tharah, Lalremruata Sailo hi Hnahthial atangin West Phaileng-ah SDO(C) leh BDO hna chelh kawp turin a sawi a ni.