Manchester United winger Alejandro Garnacho Southampton nen an inkhelh tuma a inhliam avangin kar engemaw zah a chawl dawn tih amahin a sawi chiang.
Kum 18 mi hi Pathianni zanah minute 73-naah luhtir niin Kyle Walker-Peters chuan a hnung lam atangin ball chhuh tumin a tlawh a. Hetah hian inhliamin a kerek a tha awm chu a ti na.
Inkhel tawp thleng khel ve thei lovin inkhel zawhah Old Trafford chu tiang hawl chunga a chhuahsan lai hmuh a ni.
“Vanduaithlak takin ka team leh ka teammate-te kan tana season pawimawh lai kan hman dawnah chiah ka pui ve thei dawn lo.” tiin Garnacho chuan a chawlh rei deuh tur thu a sawi.
Spain a piang winger hi tun thla a Argentina tana khel tura ko a ni a, a inhliam leh si avangin ram tan a la inlan thei dawn rih lo.
A chawlh rei zawng tur hi sawi ni lo mahse April 22 a Chelsea an mikhual hunah a inkhelh theih tawh beiseina a awm.