Lunglei Municipal Council (LMC) inthlan lo awm tura Municipal Returning Officer pahnih – Donny Lalruatsanga leh M. Misael ten nimin khan LMC inthlan chuh tur te chhinchhiahna (symbol) an pe a. He hunah hian candidate te bakah an agent te pawh an tel.
Bharatiya Janata Party (BJP) candidate te symbol chu Lotus a ni ang a, Indian National Congress (INC) candidate te symbol Kutphah (Hand) a ni ang. Mizo National Front (MNF) candidate te symbol chu Arsi (Star) a ni ang a, Zoram People Movement (ZPM) candidate te symbol chu Ni chhuak (Sun with Rise) a ni ang.
Nimin vek khan LMC inthlana candidate leh election agent te pualin election kaihhnawih a hriattur leh zawmtur hrang hrang inrhilhhriatna leh zirhona hun buatsaih a ni a. Election Officer C. Lalduhzuali’n kaihhruaiin, District Municipal Election Offi- cer, Lunglei Bawrh- sap Ramdinliani’n a telpui bawk.
District Municipal Election Officer chu- an LMC inthlan chu an vawikhat hmachhawnna a nih avangin Municipal inthlana official kaihhnawih, candidate leh election agent te tan thil thar a nih thu a sawi a. State Election Commission-in inkaihhruaina fel tak a siam thu leh inthlan felfai leh muanawm an neih theih na tura inkaihhruaina zaw- m theuh turin kalkh- awmte chu a chah.
Municipal Election Officer chuan expenditure chungchang sawi- in, candidate tin ten cheng nuaikhat aia tam hman loh tur a nih ava- ngin hremna pek ngai lova zawm theuh turin a chah a. Model code of coduct-in tih loh tur a tih te pawh zawma, mimal insawichhiat leh candidate te mualpho zawnga che lo turin election agent te a ngen bawk.