Aizawl: Nimin kha Mizoram Presbyterian-in Kohhranin Chanchin tha thlen nia a puan a ni a, he ni pual hian hun an hmang.
Mizoram Synod chuan chanchin tha thlen ni chawhma inkhwm leh zan inkhawm atan thupui a siam a, chawhma inkhawm thupuiah ‘Chhandamna chanchin tha’ tih niin, zan lam thupui ‘A thlawna pek, chanchin tha’ tih a ni thung.
Tualchhung kohhranten an remchan danin he ni hi an hmang a, chhun leh zana hmang an awm laiin, a tam ber chuan nizan khan he ni pual hian inkhawm an buatsaih.
Kum 2012 Synod Inkhawmpui chuan Rev. William Williams-a’n, Mizoram a luh ni, March 15, 1891 chu Mizorama chanchin tha thlen ni atan pawmin kum 2014 atang khan he ni pual hian hun an hmang thin a ni.