AZL: Nimin khan Circuit House Conference Hall, Lungleiah Lunglei Municipal Council (LMC) inthlanna a ding turten nomination an file chu endik a nih hnuin Municipal Returning Officer (Ward I, II, III, IV, V) Donny Lalruatsanga chuan candidate leh agent te hmaah symbol a pe.
Bharatiya Janata Party (BJP) candidate-te symbol chu lotus a ni a. Indian National Congress candidate-te symbol chu kutphah (hand) a ni a. Mizo National Front (MNF) candidate-te symbol chu arsi (star) niin Zoram People’s Movement (ZPM) candidate-te symbol chu ni chhuak (sun with rays) a ni.
Nimin vek khan DRDO Conference Hall, Lungleiah LMC inthlannaa ding turten nomination an file chu endik a nih hnuin Municipal Returning Officer (Ward VI, VII, VIII, IX, X, XI ) M. Misael chuan candidate leh agent-te symbol a pe bawk a. BJP candidate-te symbol chu lotus a ni a. Congress candidate-te symbol chu kutphah (hand) a ni a. MNF candidate-te symbol chu arsi (star) niin ZPM candidate-te symbol chu ni chhuak (sun with rays) a ni.