- Ruata
Toyota Kirloskar Motor chuan ram chhunga Innova Crysta diesel variant thar man a puang. Tunah hian he MPV model lineup hi variant 4-a siam a ni a, trim 2 – G leh GX a awm.
2023 Toyota Innova Crysta diesel G 7 leh 8-seater thar hi cheng nuai 19.13 leh cheng nuai 19.18 man a ni a. GX 7-seater version hi Rs Nuai 19.99 man a ni a, a 8-seater model hi Rs. Nuai 20.04 man a ni thung a. A chunga kan sawi tak man zawng zawng hi ex-showroom a ni. Toyota hian VX leh ZX trim man hi an la sawilang lo a, a chiang chho zel turah beisei ila.
A khawl
A khawl lamah chuan 2023 Toyota Innova Crysta thar hian 2.4L, 4-cylinder turbo diesel engine a hmang a, 5-speed manual gearbox a nei dawn bawk a ni. He diesel khawl hi khawih danglam (tuned) a ni a, power 148bhp leh torque 360Nm pe chhuak thei tura siam a ni a. He lirtheiah hian 2.7L petrol engine, 6-speed torque convertor automatic gearbox nei chu an updated model lineup aṭang hian paih a ni. Innova Crysta diesel thar hi rawng chi hrang hrang 5 a awm a, chungte chu – Silver, Superwhite, Attitude Black, White Pearl Crystal Shine leh Avant-Garde Bronze te a ni.
A kentel hrang hrang leh a chhunglam
2023 Toyota Innova Crysta thar hian kentel hrang hrang – wireless door lock jack-knife key nei, speedometer MID nei, driver window-a auto down nei power window, manual AC unit, black fabric seat cover, Urethane steering wheel silver ornament tel, SRS airbag 3, lirthei stability control, anti-theft system immobilizer, ABS with EBD, hill start assist, brake assist, seat belt warning, door ajar warning, electronic braking system, hnunglam seat belt – 3-point ELR, hnunglam kawngkhar black panel, hmalam wiper intermittent & mist, 205/65 R16 steel wheels full wheel cap nei, radiator grille dum leh multi reflector halogen headlamp te he lirthei tharah hian kan hmu dawn a ni.
7-seater version hian hmalam seat hrang hrang leh slide & recline function a nei a, 8-seater model thutna tlar laiah chuan 60:40 split ratio a awm a, slide & One-Touch tumble a nei bawk a ni. GX trim hian capacitive touchscreen infotainment a nei a, Android Auto leh Apple CarPlay connectivity a nei a, speaker 4, dot type MID driver information thil dang tam tak a nei bawk a ni.
Toyota Innova hi India ramah chuan lirthei lei tam pawl, sorkar leh mimal ang pawha hman nasat a ni a. Khualzin, VIP leh zin mi hrang hrangte phurh nana lirthei hman tam pawl leh changkang pawl a ni a. Tuna Innova Crysta ngei mai, India ramin a duh em em diesel variant bik, a ‘update’ thar a awm leh ta hi he lirthei ngainatute leh hmang tangkai tute tan chuan thu lawmawm tak a ni dawn a ni.