Ferrari car khalhtu Charles Leclerc chuan tun kartawp a tlan tur Saudi Arabian Grand Prix-ah grid penalty a hmu dawn a. Season thar a intlansiak pahnihna chauh la ni dawn mahse car part hman theih chin bak a hman a ngai tawh.
He grid penalty avang hian hi 10-place penalty niin qualifying-ah pakhatna pawh ni se 10-naah a tla thla dawn tihna a ni.
Leclerc-a Ferrari hi intlansiak hmasa ber, Bahrain a neihah a car electronics control unit chu a chiang lova. Intlansiak dawnah chawpchilh taka a thar hman a nih hnuah hei pawh hi chhe lehin intlansiak a tlan zo thei lo.
ECU thar a hman leh a ngai dawn a, driver tinte hi season tluan chhungin car part hrang hrang an thlak theih chin bitukah ECU hi pahnih chiah hmang thei an ni a. Bituk zat a pelh dawn avangin penalty a hmu dawn.
Saudi Arabian Grand Prix hi Pathianni zan dar 10:30-ah Jeddah Corniche Circuit-ah an tlan ang.