The Rolling Stones band chu tunlai hian copyright thubuai lian hmahchawn mekin,, an hla ‘Living In A Ghost Town’ (2020) vangin an talbuai mek.
Thubuai ah hian hla phuahtu hriat lar vak lo Sergio Garcia Fernandez chuan Rolling Stones band hian 2006 kuma a tihchhuah, ‘So Sorry’ leh ‘Seed Of God’ hla thu, thluk leh ruangam chiang takin an ru tiin a puh.
Fernandez chuan a hla awmna CD hi Rolilng Stones zaipu Mick Jagger-a chhungte pakhat hnenah a pe ngei tih asawi a, tichuan 2020 kuma Roling Stones hlaah hian phalna tel lo leh a ruk a ralin a hla hi an hmang, tiin thubuai a siam.
A lawyer chuan, “A chhungte zinga pakhat hian receipt a dawng ngei tih a pha lova, e-mail kalting a ni ngeh nghe. Heng a hla siam leh phuah te hmangin The Rolling Stones hian an duhzawng tak a nih ngei a rin thu a sawi,” a ti.
Inpuhna kal zelah hian ‘Living In A Ghost’ hla hian vocal melody, chord inremchhoh dan, drum beats kalphung, harmony parts, electric bass line, tempo leh key singature dangte hi ‘So Sorry’ leh ‘Seed Of God’ nen inzulzuina leh inanna thuk tak neiin, hriathran harsa khawp a ni,’ tih a awm