Aizawl : National Cadet Corps (NCC) Director General Lt. Gen. Gurbirpal Singh leh a ho ten nimin khan Mizoram Larsap Dr Hari Babu Kambhampati chu a chenna Raj Bhavan-ah hmuin, NCC hmalakna hrang hrang an sawipui.
Sorkar thuchhuahin a tarlan danin NCC hian Mizoramah unit 4 nei mekin, pathum chu Aizawlah awmin, Lungleiah pakhat a awm a. Mizoram University-ah NCC dah tura hmalak mek a nih thu Director General chuan sawiin, Mizoram chauh ni lo North East state dang, Assam leh Tripura a State university-ah te pawh dah belh tum a nih thu Larsap chu a hrilh bawk.