Aizawl : PC party President Vanlalruata’n “Kan state leiba hi tunlai khawvela sorkar leiba teh dan anga teh chuan India rama ba hnem ber kan ni” a ti a. Chief Minister-in Mizoram leiba sawi nepin, “state dang leiba zat ngaihtuah chuan ba lo ang tluk kan ni” a ti nia sawiin, hei hi thalo a tih thu leh pawi a tih thu a sawi.
Vanlalruata chuan “Kan ram sum leh pai dinhmun tha lo zual zel hi politician leh a maw- hphurtu sorkar hnath- awk ten manganpuiin, mutmawh hnar mawhah kan neih a, sorkar hna- thawk ten hlawh pawh a hunah an la hleitheilo te, pawisa leng vak tlem avanga mipui harsatna te hi sutkian a ngai” a ti a. Chumi atana mawhphurtu lian ber chu Chief Minister a nih thu sawiin, a dawttu chu Finance Minister a nih thu leh chu chu mi pakhatin a chelhkawp avangin a chelhtu mawhphurhna chu a lian zual hle tih a sawi.
PC President chuan “Sorkar sum harsatna chu a mawhphurtu ni chiah lo te pawhin an manganpui tawh laia a mawhphurtu berin vei hauh lo leh sawinep zawnga a che thin hi chu a demawm takzet a ni,” a ti a. Mizoram state leiba chu tunlai khawvela sorkar leiba teh dan anga tehin Mizoram chu India rama ba hnem ber state a nih thu sawiin, “Hei aia la manganthlak chu kan sorkar dinhm -una leiba rulhna tur puk ngai khawpa kan awm tawh hi a ni” tiin, “He kan dinhmun thalo hi sawinep tuma dam thei ni lovin tumna tak tak nena siamthata tihdam ngai a ni zawk” a ti.
Mizoram sum dinh- mun thalo chu a siamthat dan a awm nia sawiin, Vanlalruata chuan “A siamthat theih dan a awm a, siamthat ngei a ngai,” tiin, PC party chuan a siamthat theih dan tur an hria nia sawiin, siamtha thei tura thuneihna pe turin mipui a ngen bawk.