Ruah, vur, tui lian leh thli na tak thawk avangin US-ah chuan chhungkaw 4,00,000 chuangin power an neih loh phah.
California-ah chuan Thawhlehni khan lui tui luang liam leh lei min a tam hle a. State chhunga county 58 awma 40 zetah emergency puan a ni.
New York, New Hampshire leh Massachusetts hmun thenkhatah pawh feet thum zet vur a tla.
Khawchhak leh khawthlang vaukam hrulah Nilaini hma takah khan storm a thawk a; mahse, thil tihchhiat erawh a nei lo.
Nilaini tukah khan California-ah chuan chhungkaw 1,89,492 zetin power an nei lo niin Poweroutage.us chuan a tar lang a. New Hampshire, Maine, New York leh Massachusetts-ah chhungkaw 1,65,249-in an nei lo bawk.
Storm hian hmarchhak hrutin vur tla tam lutukin power line tichhiain thing tam tak a tlu a, thli pawh darkar khata km 64-a chakin a tleh a. Sikul leh sumdawnna hmun tam tam pawh khar a ni.