March 29, 2023-a neih tur, Lunglei Municipal Council Election atana candidate-te sum senso dan endikna vawi khatna chu nimin khan Accounts & Treasury Department-in an kalpui a. Lunglei Treasury Officer Vanlalrosiama Ralte chuan Ward I atanga Ward VI endikin PC Lalrammuanpuia, Audit & Accounts Officer chuan Ward VII-XI te a endik a ni.
Lunglei Municipal Council inthlanna atan hian candidate tinte Rs. nuai 1 thleng hman phalsak an ni a, endiknaah hian candidate emaw, an aiawh election agent-te emaw hian ni tina an insenso dan record fel tak leh bill, voucher te an keng a ni.
Expenditure endikna hi tum thum neih tur niin a tum hnihna hi March 22 (Nilaini)-ah nei tur niin a tum thumna leh tawpna hi March 28 (Thawhlehni)-ah neih a ni ang.