- Aizawl North II bialtu MLA Dr. Vanlalthlana’n nimin khan a bial chhunga Sub-Centre leh Library te a tlawh a. MLA fund atanga Sub-Centre mamawh a lei thenkhatte a hlan.
MLA-in a biala Sub-Centre mamawh a hlan te hi – HB test na, BP
test na, Dopler (Naute lungphu enna) te leh inbukna te an ni.
MLA fund hmanga din, Ramhlun Vengthara Specialised Library-ah pawh Dr Vanlalthlana chuan zirlaite tana tangkai tur lehkhabu tha tak tak engemawzat a hlan bawk.
- Champhai Bawrhsap Pisa ruahmannain nimin khan Champhaiah faina hnatlang koh a ni a, Bawrhsap Pisa, DUDO office, DLAO office leh DIPRO office-a thawktute telin mi 60 vel thawk chhuakin, Champhai atanga Zokhawthar panna World Bank road leh a chhehvela hnawmhnawk te chhar faiin an hnatlang a. Ruantlang atanga Mualkawi khaw luh dawn thleng an thianfai a. A hmun lova bawlhhlawh paih an awm leh awm loh an enfiah nghal bawk.