Enforcement Directorate kuta Delhi liquor case-a tang mek, Manish Sisodia chu Delhi court chuan Zirtawpni khan ni nga dang custody-a kawl zui leh a phalsak.
Aam Aadmi Party (AAP) hruaitu hian an kawl tawh chhungin ED hian ‘ni khatah darkar chanve atanga darkar khat’ chauh thu an zawh thin thu sawiin an kuta awm reng a tulna a hre lo tih a sawi.
A hmain Sisodia hian court-ah CBI pawhin ‘zawhna ngai hlir ni tin an zawt’ tih sawiin, agency hnenah hian an zawhna ngai zawt nawn tawh lo tura thu pe turin a ngen tawh.
Court hian Delhi deputy chief minister hlui hi an chhungkaw sum hman tur lakna tur cheque-a a hming ziah a phalsak bawk.
Sisodia-a hi February 26 atang khan lung inah a tang a, a tan mek lai hian CBI chuan thla kua chauh hman hman liquor policy-ah ei rua puhna a awm avangin an man belh.
ED hian he thilah tho hian pawisa chhehrelh a awm nia hriain an chhui a ni.