Tunlai hian ruah a sur leh thut thin a, thli a thaw vuk vuk thin bawk. A mit leh hmui vela a Samin a hliah thina kha duat takin tihkian sak ang che.
A lo lang emaw, i lo nghak te pawh a ni thei a, i lam panin a lo kal a nih chuan i hmuh veleh amah hmu turin rang takin thochhuak nghal ang che.
A dar (koki) leh a chal-a duat taka ‘chuks’ te hi a thinlung lalram sawinghing lawih lawih thei khawpa chak (powerful) a ni tih hrereng ang che.
Tui taka in inbiak laklawh lai pawh khan a rem emaw rem lo emaw, in thusawi nen a inzulzui emaw zui lo emaw, i hmangaih thu hrilh thin ang che.
I bula a kal khan nghet takin a kut vawn sak la, lirthei hnaih lohna lam zelah kal tir la, kawngkan dawnin a ban vuan la, inringtawk tak chungin kan pui ang che.
A ngui a, a chauh changte’n a chhan leh vang zawt khur khur lovin, amah tihlimtu leh tizangkhaitu nih tum zawk la, a theihnghilh mai mai tawh lovang che.
A sawi chhuah hmâ in a piancham te leh ama puala ni pawimawh te sawi pui vat thin ang che. A sawi chhuah veleha, ‘Ni dawn tak e,’ tih hi lehlam tan hlimpuina tur a vâng hle tih hre bawk ang che.
I thuziak awmna pangpar mawi tak thawn thin ang che. Hun remchangah khawpui pâwn lam boruak hip pui la, zan lamah zanriah tui tak kilpui thin ang che.
Nawm loh tihna leh inthlahrunna emaw, lai (nervous) ang deuhva a awm a, a khawr deuh anih chuan a mitah tak khan en kar la, tunah hian i hmâ awm tur dik tak a awm mek a ni tih hrilh ang che.
Eng emaw thil thar a neih a, a inbel bawk chuan hriat loh der chi a ni reng reng lo, Thianpa! Thinlung takin fak la, a inhmehzia hrilh thin ang che.
Thenkhatte’n mi zinga an bialnute an hnaih tha ngam lo ang kha nih tum ve suh la, i thiante bulah pawh, duat takin a kut (hand) kha ‘chuks’ ang che.
A chhungte tha takin be thin la, zahtheih loh lam vang ni lova hawihhawm taka i biak hian, a ngaih a ngam a. Nakina a la thlamuanpuitu tur lakah rinna a nghat ngam thin.