Indian police chuan Prime Minister Narendra Modi-a pisa-a thuneitu sang tak anga inchhala zin kual thin an man chhuak.
Kiran Patel-a hian a nihna lem hmang hian March 2 khan Kashmir valley a tlawh a, venhim hna thawktuten lo hrengin a tukah an man zui niin Press Trust of India (PTI) chuan a tar lang.
Police hian mi bum, lemchang leh lehkha lem siam thubuai an siamsak.
Police hian Patel-a hian suma hamthatna bakah thil danga hamthatna a dawn theih nan hetiang hian a ti niin an sawi.
Man a nih thu hi Ningania court-a hruai a nih hnuah a darh chauh thung.
Twitter-a account fel thlak neiin a zuitu zingah rorel lai, BJP hotute pawh an tel.
Twitter leh Instagram-a thlalak a dahah chuan ‘official visit’-a Kashmir a tlawh thu tar langin sipaiten an hual thup.
PTI chuan a tlawh hmasak zawkah hian Patel-a hian sorkarin Kashmir chhim lama apple leitu turte enfiah turin a tir niin a insawi tih an tar lang.
A tlawh nawn lehnaah hian vur tlengna hmun lar tak, Gulmarg a tlawh ve thung a, hemi tum hian heng lai vela khualbuk awm dan leh hmasawn dan thlithlai tura sorkar tirh angin a insawi bawk.
A zinnaah hian Patel-a hi venhimna khauh thei ang ber pek a ni a, silai kah thlang theih loh lirtheiah chuantirin five-star hotel-ah zel thlentir a ni bawk.
Court lehkhaah chuan venhim hna thawktute chuan identity card lem a lo kawl nual tih tar lan a ni.