Aizawl: Mizorama political party hrang hrangten mipuite hnena thil thar zawrha an zawrhte hi BJP nih phung sa ve reng a nih thu BJP Mizoram State Vice President R Vanramchhuanga’n a sawi.
Zirtawpnia BJP pisa Mipui Run-a inkhawm buatsaihah thu sawiin R Vanramchhuanga chuan, Mizorama political party hrang hrangten sorkar an tumnaah bawm hrang hrang leh kalphung hrang hrang zuar thin mah se, BJP erawh chuan kalphung fel tak a neih avangin party dangten Mizoram tana an inzawrhna leh an duhthusam an sawi thin ang chu an kalphung leh nih dan sa a nih thu a sawi.
R Vanramchhuanga chuan, “That loh theih lohna bawm an zawrh hi keiniah chuan zawrh ngai lovin a ni nghal a; Kalphung thar an tih pawh hi BJP sorkar chu Mizoram tan chuan kalphung thar, Mizorama sorkar kan hrawn tawhte kal dan ang lo, mipui tana hmasawnna thlen hi a ni zawk a ni. Chuvangin, party hrang hrangin thil thar zawrha an zawrh hi BJP nih phung ve reng a ni a, an zawrh aia tha zawk hi kan kalphung a ni,” a ti.