Union Commerce & Industry Minister Anupriya Patel chuan Tlabung Kawrpuichhuaha Bangladesh nena insumdawn tawnna atan Rs vbc 552.25 ruahman a nih thu leh Zorinpuiah border trade din tumna a awm rih loh thu a sawi.
Parliament Session neih mekah Mizoram MP (Rajya Sabha) K Vanlalvena zawhna chhangin Patel chuan, “Mizoram leh Bangladesh dawh zawmtu tur Kawrpui lui chunga lei (bridge) dawhna tur DPR siam hna chu Bangladesh sorkar kutah dah a ni a, Bangladesh-in DPR an la zo lo a ni,” a ti.
Lawngtlai atanga Paletwa inkar kawngpui laih mek, KMMTTP-a Mizoram leh Myanmar inrina hmun, Zorinpui-ah border trade centre din tumna a awm em tih Mizoram MP zawhna pawh union minister chuan kawngpui laih hna hi thawh mek a la nih chauh avangin border trade din tumna Zorinpuiah a awm rih loh thuin a chhang.