Columbia University atanga inzir chhuak, Garcetti-a hi politics-a a zuan luh hmain kum 12 zet US Navy-ah officer fak hlawh tak a ni.
Kum 2013 khan kum 100 chhunga Los Angeles mayor ni thei naupang ber niin Jewish zinga thlan hmasak ber a ni bawk a. Kum 2022 thleng mayor-ah hian a tang.
President Biden-a thawhpui hnai tak, Garcetti-a hi president chuh pawh a lo tum tawh a; mahse, kum 2020-a an party chhunga a tlak hnuah Biden-a presidential campaign lai khan ciarman pakhat zawk a ni zui.
July, 2021 khan an ram palai hna thawk tura tih niin Biden-a chuan India-a ambassador tur hian a rawt a ni.
Mahse, nikum khan Senate chuan a adviser zinga pakhat, Rick Jacobs-a’n mipat hmeichhiatna hawia a puhna avangin president rawtna chu ngaihtuah chin tha tiin a pawm duh lo.
Garcetti-a leh White House chuan an puhna hi a dik loh thu an sawi ve ve a, July khan Biden-a hian palai tur hian a rawt nawn leh bawk a ni.