Aizawl : Adventist development and relief ag- ency (ADRA), India kaltlanga Myanmar ram buai avanga raltlante chhawmdawl dan tur project, ‘protection and humanitarian assistance to new arrivals from Myanmar in Mizoram 2023’ chungchang ngaihtuahin nimin khan Champhai district level committee on Myanmar refugees leh ADRA hotute an inrawnkhawm.
He inrawnkhawmna hi District level committee on Myanmar refugees Chairman, Champhai Ba- wrhsap James Lalrinchhana’n kaihhruaiin, then- awm ram buai avanga raltlan dawnsawn leh bu- aipui kawnga NGO, VC, kohhran, media, line department, agency hrang hrangte leh mimal inphal te hmalakna chhuanawm a tih thu a sawi.
Mizorama raltlan luh tam berna district an nih avanga tan an lak nasat zual a tul thu Bawrhsap chuan sawiin, raltlante pawhin India ram dan te bakah inkaihhruaina siam- te tha taka an zawm a tul thu a sawi a. Raltlante bu- aipui kawnga inpe tak tak an awm zel chu lawmawm a tih thu sawiin, inhmelhriattawn leh hma- laknate inhriatpawhtawn zel a pawimawh thu te, khawtlang hruaitu leh NGO nena tanrual thiam a tul thu te a sawi bawk.
Sorkar thuchhuahin a tarlan danin ADRA hi chhiatrupna emaw, emergency thlen thulha tanpui- ngaite tanpuia chhawmdawlna pe tura din niin, India-ah chuan Gurgaon, Haryana state-ah hmunpui an nei a, khawvel puma an hmunpui chu Maryland, USA-ah a awm thung. Kum 1992-ah India ramah bul an tan a, ram 138-ah inzarpharhin hma an la mek a ni.
Champhai district bikah nikum khan thla thum chhung hma an lak zet hnuah Mizoram chhim lam district 4-ah insawnin hma an la leh a. Kumin hian hak zauhin hma an lak tawhna district 4 te bakah Champhai leh Aizawl district-a raltlante chhawmdawl hna an thawk dawn a; tunhnaia raltlan tharte chu an hmalakna hmasa tura an ruahman niin, hemi atan hian thla 12 chhung atan project an siam tih sorkar thuchhuah chuan a tarlang bawk.
He inrawnkhawma an tarlan danin March ni 20, 2023 thlengin Champhai district-a khaw 47 ah raltlan 10226 an awm tawh a; heng zingah hian puitling mipa 3033 leh hmeichhia 3264 bakah naupang 3929 an awm. Raltlante awmna tura sak Relief camp 34 a awm mek a; heng zinga 13 te chu kum 2021 a siam niin, nikum khan 21 sak belh leh a ni a. Raltlan zinga 2643 te Relief Camp-ah chengin, 7583 te Relief camp pawn hmundangah an cheng thung.
Raltlan zawng zawng 10226 te profiling zawhfel tawh niin, heng zinga 9488 te temporary ID pekchhuah tawh a ni a, 738 te tan buaipui mek a ni.